مش غلط ان الواحد يرفه عن نفسه وايغير جوه مرة مرة بالأخص في أيام العطلة بحيث يلقى روحه مش مال من الروتين ويجدد رغبته في الخدمة والابداع. وهكي فكرنا انديروا نشاط ترفيهي نستمتعوا فيه وانطوروا بيه شبكة علاقتنا اللي اكيد حنستفيدوا منها حتى بعدين في الخدمة.

والنشاط حيكون عبارة عن مسابقة في العاب الكمبيوتر اللي تخدم بالنتورك، وبنديروها في ليلات الجمعة خلال شهر رمضان. وأول ليلة حتكون المسابقة في لعبة "Counter-Strike: Global Offensive" والأشخاص اللي حيفوزوا الدوري حياخدوا جائزة اشتراك في نقطة بحسب الترتيب، الأول شهري، والثاني اسبوعي، والثالث يومي.

لازم من التسجيل بحيث تشارك في الحدث وفي المسابقة.... وطبعاً لازم تجيب جهازك اللي بتلعب بيه، لكن لو ماعندكش جهاز وتبي تلعب باجهزة نقطة برضو ماعندكش مشكلة. سعر الاشتراك في الحدث لكل جمعة 10 دينار بدون جهاز، و20 دينار بالجهاز. حنكونوا متشوقين جداً للحدث، ومتأكدين انها حاجة بتعجبكم. شير للخير شباب...

• نقْطة • الموْقع | النوفليين • مبنى الزروق للمواد الصحية التواصلْ | 0913401999

البداية_هنا

نقطة

Nuqta